သီးရွက်စုံအစိမ်းကြော်

ပါဝင်ပစ္စည်းများ

• Babycorn -----၆ တောင့်
• ဘိုစားပဲ -----၃ တောင့်
• ရွှေပဲသီး -----၅ တောင့် (Baby corn နဲ့ ပဲသီးလေးတွေကို ၂ မိနစ်ခန့်ပြုတ်ပြီး ဆယ်ပါ။ ရေအေးထဲစိမ်ပြီး ကြိုတင်လှီးထားပေးပါ)
• မုန်ညင်းဖြူ -----၁၂၅ ဂရမ် (မထူမပါးလှီးထားပြီး)
• မုန်ညင်းစိမ်း -----၁၅၀ ဂရမ် (မထူမပါးလှီးထားပြီး)
• ဘရိုကိုလီ (ပန်းပွင့်စိမ်း) ----- ၁၂၅ ဂရမ် (ခြွေထားပြီး)
• မုန်လာဥနီ -----၁ လုံး (အခွံနွှာပြီးနှစ်သက်သလိုလှီးထားပါ)
• ငရုတ်ပွသီး အနီ -----တစ်ခြမ်း (အူတိုင်ထုတ်ပြီး အသားချည်းပဲရှည်ရှည်လှီးထားပါ)
• ငရုတ်ပွသီးအဝါ -----တစ်ခြမ်း (အူတိုင်ထုတ်ပြီး အသားချည်းပဲရှည်ရှည်လှီးထားပါ)
• ကြက်သွန်ဖြူ -----၃ မြွှာ (ထောင်းထားပါ)
• ဆီ ထမင်းစားဇွန်း -----၃ ဇွန်း
• ခရုဆီ ထမင်းစားဇွန်း -----၁ ဇွန်း
• ခနောကြက်သားမှုန့် ထမင်းစားဇွန်း -----၁ ဇွန်း
• ပဲငံပြာရည်အပျစ် ထမင်းစားဇွန်း -----၁ ဇွန်း

ချက်ပြုတ်ပြင်ဆင်ပုံ

1. ဒယ်အိုးထဲကိုဆီထည့်ပြီး ဆီဆူလာတဲ့အခါ ကြက်သွန်ဖြူထည့်ပါ။

2. ပြီးတဲ့အခါ မုန်လာဥနီ၊ဘရိုကိုလီ၊ငရုတ်ပွသီးများ အရင်ထည့်မွှေပါ။

3. ပြီးရင် မုန်ညင်းဖြူ၊ မုန်ညင်းစိမ်းထည့်ပြီး ၂ မိနစ်ခန့်မွှေပါ။

4.  ၂ မိနစ်ခန့်မွှေပြီးတဲ့အခါ ပြုတ်ထားတဲ့အသီးအနှံများထည့်ပြီး ခနောကြက်သားမှုန့်၊ ခရုဆီ၊ ပဲငံပြာရည် တို့ထည့်ကာ မွှေပေးပါ။

5.  အရသာအနေတော်မတော်မြည်းကြည့်ပြီး အသီးအရွက်များအနေတော်လျှင် အစိမ်းကြော်ပူပူလေးကို အိုးထဲမှ ချပြီး သုံးဆောင်နိုင်ပါပြီ။

ထမင်းနဲ့ပဲစားစား ဒီတိုင်းပဲစားစား နေထိုင်ကောင်းခါစလူမမာတွေအတွက်လည်းကျွေးလို့သင့်တော်သလို ခန္ဓာကိုယ်အတွက်လိုအပ်တဲ့အာဟာရဓာတ်တွေ ဖြည့်ဆည်းနိုင်ဖို့ အစိမ်းကြော်တစ်ခွက်ဖြစ်ပါတယ်။