ကြာရိုးကြက်သားအစပ်ကြော်

ပါဝင်ပစ္စည်း

• ကြက်ရင်ပုံသား.............. ၁၅ကျပ်သား
• ကြာရိုး...........................၁စည်း
• ကြက်သွန်ဖြူ.................... ၅တက်
• ငရုတ်သီးစိမ်း နီ................၇တောင့်

ကြော်ချက်နည်း

1. ကြက်ရင်ပုံသားကိုခပ်ကြမ်းကြမ်းလေးနုပ်နုပ်စဉ်းပြီးအရသာနယ်ထားပါ။

2. ကြာရိုးကိုပင်စည်ရဲ့အမျှင်တွေဖယ်ရှားပြီးလက်တဆစ်ခန့်အရွယ်လှီးကာဆားပါသောရေထဲမှာ(၅)မိနစ်ခန့် စိမ်ထားပါ။

3. ကြက်သွန်ဖြူ နှင့်ငရုတ်သီးစိမ်းနီကိုရောပြီးခပ်ညှက်ညှက်ထောင်းပါ။

4. ဒယ်အိုးတစ်လုံးကိုဆီအနည်းငယ်ဖြင့်အပူပေးပါ။

5. ဆီပူလာလျှင်ထောင်းထားတဲ့ငရုတ်သီးအရောကိုထည့်ဆီသတ်ပါ။

6. မွှေးလာလျှင်ကြက်သားတွေထည့်ကြော်ပါ။

7. ငါးငံပြာရည်၊ခရုဆီ၊သကြား၊ဟင်းခတ်မှုန့်၊ကြက်သားမှုန့်တို့ဖြင့်အရသာညီမျှအောင်ဖြည့်စွက်ပါ။

8. မီးရှိန်ကိုမြှင့်တင်ပြီးရေစိမ်ထားသောကြာရိုးလေးတွေကိုရေစစ်ပြီးထည့်ပါ။

9. အဖုံးခေတ္တအုပ်ထားပါ။အဖုံးပြန်ဖွင့်ပြီး(၃)မိခန့်ထပ်ကြော်ပေးပါ။

10. နှစ်သက်ပါကပင်စိမ်းရွက်လေးအုပ်လိုကအုပ်နိူင်ပါသည်။