နူးညံ့ ဆိမ့်မွှေး Cheese ပူတင်းလေး
လူကြီး၊ကလေး အရွယ်မရွေး နှစ်သက်ကြတဲ့
Cheese ပူတင်း လုပ်နည်းလေးပါ။ အရသာ ချိုအီဆိမ့် လေးကိုမှ
အရမ်းနူးညံ့လှတဲ့ ဒီ Cheese ပူတင်း လေးကို မကြိုက်တဲ့သူ မရှိသလောက်ပါပဲ။
လုပ်ရတာလည်း လွယ်ကူသလို အိမ်မှာရှိပြီးသား အရာတွေနဲ့တင် လုပ်လို့ရတာမို့
ဒီCheese ပူတင်းလုပ်နည်းလေးကို မျှဝေပေးလိုက်ပါတယ်။
ပါဝင်ပစ္စည်းများ
- ကြက်ဥ (၁၀) လုံး၊
- နို့စိမ်း တစ်ဘူး၊
- နို့ဘူးသေး တစ်ဘူး၊
- Cheese တစ်ဘူး
- သကြား
ပြုလုပ်နည်း
ကြက်ဥ ၁၀ လုံးစလုံးကို ခွဲပြီးတာနဲ့ အနှစ် နဲ့ အကာ သတ်သတ်ခွဲလိုက်ပါခင်ဗျ။ အဲဒီလို ခွဲပြီး တစ်ဇလုံစီ ခလောက်မှ ပူတင်းသားပိုကောင်းမှာမို့ပါ။မွှေမယ် - ခလောက်မယ်အရင်ဆုံး ကြက်ဥ အကာတွေကို ဘာမှမထည့်ပဲ ကြက်ဥခေါက်တံနဲ့ ခေါက်ရမှာပါ။ တော်တော်ကြီးတော့ ခေါက်ရပါမယ်။ ၁၅ မိနစ် - မိနစ် ၂၀ လောက်တော့ ခေါက်ပေးပါ။ခေါက်ရင်းနဲ့ ကြက်ဥ အကာတွေ အရင်ပွတက်လာပါလိမ့်မယ်။ ပွတက်လာတဲ့ အမြှုပ်တွေ ကို cream ပုံစံမျိုးဖြစ်တဲ့အထိ ခေါက်ရမှာပါ။
ပြီးရင်တော့ ကြက်ဥ
အနှစ်တွေထဲ့ထားတဲ့ ဇလုံထဲကို နို့စိမ်း တစ်ဘူးလုံး ဖောက်ပြီး ထည့်ပါ။
နွားနို့ လက်ဘက်ရည်ခွက် တစ်ခွက် ထည့်ပါ။ သကြားကို ဟင်းခတ်ဇွန်း နဲ့ ၆
ဇွန်းထည့်ပါ (အချိုကြိုက်ရင် ၈ ဇွန်းထည့်ပါ)။ Cheese ၅ တုံးထည့်ပါ။
ထည့်ပြီးသွားပြီ ဆိုရင်တော့ အားလုံး သမအောင် မွှေပေရော့။ သကြားတွေ၊ cheese
တွေ ကြေသွားတဲ့အထိဆိုပါတော့။ပြီးသွားရင်တော့ မွှေထားတဲ့ ကြက်ဥနှစ်
ဇလုံထဲက အရည်တွေကို ကြက်ဥ အကာခေါက်ထားတဲ့ ဇလုံထဲ ဖြေးညှင်းစွာ
လောင်းပြီးရောလိုက်ပါ။နောက်ဆုံးအနေနဲ့ ကြက်ဥ အကာတွေနဲ့ အနှစ်တွေကို
တစ်သားထဲဖြစ်သွားအောင် မွှေလိုက်ပါဦး။ ( ပူတင်း ဖုတ်ရတာ အမွှေကြီးပဲ
တစ်ကားနော် 
)။ သမအောင် မွှေပြီးသွားပြီဆိုရင် အရည်ပစ်ပစ်ကလေး ဖြစ်လာလိမ့်မယ်။
သကြား ကျိုမယ်
ဒါကတော့
ပူတင်းရဲ့ မျက်နှာပြင်သားလေး ချိုအောင် နဲ့ လှအောင် လုပ်ရတာပါ။
ကိုယ်ပူတင်းဖုတ်မယ့် အိုးထဲကို သကြား လေး ဇွန်းလောက်ထည့်ပြီး မီးဖိုပေါ်တင်
အပူပေးပါ။ သကြားတွေ အရည်ပျော်လာပြီး အညိုရောင်သမ်းလာပြီဆိုရင်
မီးဖိုပေါ်ကချပြီး ခဏလောက် အအေးခံပါ။ ၃ မိနစ်လောက်ပေါ့။ ညီညီညာညာလေးတော့ ဖြစ်မှရမယ်။ သကြားက အိုးအနှံ့ရောက် နေမှရမှာ။
နူးညံ့ ဆိမ့်မွှေး Cheese ပူတင်းလေး
ပူတင်းဖုတ်ပြီ...ဖုတ်တယ်သာ
ပြောတာပါ ...တစ်ကယ်တော့ ပေါင်းရတာကလား။ ခုနက သကြားကျိုထားတဲ့ အိုးထဲကို
ကြက်ဥရည်တွေ ဖြေးညှင်းစွာလောင်းထည့်လိုက်ပါ။အဖုံးအုပ်ဖို့မမေ့ပါနဲ့။
ပြီးရင် ရေငွေ့နဲ့ ပေါင်းရတဲ့ ပေါင်းအိုးထဲကို ပူတင်းဖုတ်မယ့်အိုး ကို
ထည့်ပြီး မီးပြင်းပြင်း နဲ့သာ ပေါင်းပေတော့။ မိနစ် ၄၀ ခန့်ပေါင်းပြီး သွားပြီဆို အသာလေး လှပ်ကြည့်ပြီး ဓားလေးနဲ့ ထိုးကြည့်လိုက်။
ဓားမှာ ဘာမှ ကပ်ပါမလာဘူးဆို စားလို့ရပြီ။ ပြီးရင်လုပ်ရမှာက ပူတင်းအိုးကို
မီးဖိုပေါ်က ချပြီးရင် ပူတင်းသား နဲ့ အိုးနှုတ်ခမ်းကပ်နေတဲ့
အိုးပတ်ပတ်လည် ကို ဒါးပါးပါးလေးနဲ့ အရင် ဖြတ်ရတယ်ဗျ။ ဒါမှ အိုးမှာ
ကပ်မနေမှာကိုး။ ပြီးရင်တော့ ပန်းကန်ထဲ မှောက်ချ လိုက်တော့။ အရမ်းလှပြီး
အရသာရှိတဲ့ Cheese ပူတင်းလေးက သင့်ကို ပြုံးပြီးကြည့်နေတာ တွေ့ရပါလိမ့်မယ်။
No comments:
Post a Comment