ဒီဟင်းလျာကတော့ ဝက်နံရိုးနှင့် မျှစ်ချဉ်ကို တစ်ရေကျန်ပုံစံမျိုးမဟုတ်ဘဲ ဆီပြန်ပုံစံမျိုး ပြင်ဆင်ထား တာပဲဖြစ်ပါတယ်။
ပါဝင်ပစ္စည်းများ
- ဝက်နံရိုး – ၂၅ဝ ဂရမ်
- မျှစ်ချဉ် – ၁၅ဝ ဂရမ်
- ခရမ်းချဉ်သီး – ၂ လုံး
- ငရုတ်သီးစိမ်း – ၄ တောင့်
- ကြက်သွန်ဖြူ – ၆ တောင့်
- ကြက်သွန်နီ – ၃ လုံး
- စပါးလင် – ၂ ချောင်း
- ချင်း – ၅ဝ ဂရမ်
- နနွင်းမှုန့် – လက်ဖက်ရည်ဇွန်း ၁ ဇွန်း
- ငရုတ်နှစ် – စားပွဲဇွန်း တစ်ဇွန်းခွဲ
- သကြား – စားပွဲဇွန်း ၁ ဇွန်း
- ငံပြာရည် – စားပွဲဇွန်း ၂ ဇွန်း
- အသားမှုန့် – စားပွဲဇွန်း ၁/၂ ဇွန်း
- ဆီ – စားပွဲဇွန်း ၄ ဇွန်း
ပြုလုပ်ပုံအဆင့်ဆင့်
- ဝက်နံရိုးများကို အနေတော်အတုံးများ တုံးပြီး နနွင်းမှုန့်၊ သကြား၊ ငံပြာရည်၊ ဆီဖြင့်နယ်ပြီး နှပ် ထားပေးပါ။
- မျှစ်ချဉ်ကို အနေတော်အရွယ်များ လှီးဖြတ်ပေးပါ။ ခရမ်းချဉ်သီးကို အတုံးငယ်များ တုံးပေးပါ။ငရုတ်သီးစိမ်း ကို ပါးပါးလှီးပါ။
- ကြက်သွန်ဖြူ၊ နီ၊ ချင်းကို ညက်အောင်ကြိတ်ပြီး နနွင်းမှုန့်ဖြင့် ဆီသတ်ပါ။ အနံ့မွှေး လာပြီဆိုရင်ငရုတ်နှစ် ထည့်ပါ။
- အနံ့များမွှေးလာပြီဆိုရင်တော့ စပါးလင်ကိုထုပြီး ထည့်ပေးပါ။ ခရမ်းချဉ်သီးနှင့် ငရုတ်သီးစိမ်း ထည့်ပါ။အနှစ် အိလာပြီဆိုရင်တော့ ဝက်နံရိုးများထည့်ပြီး ဆီသတ်ပါ။ မျှစ်ချဉ်ထည့်ပေးပါ။
- အရသာအနေတော်ရလာပြီ၊ အနူးအအိလည်း အနေတော်ဖြစ်ပြီဆိုရင်တော့ ဝက်နံရိုးနံ့လည်း
မွှေး၊ မျှစ်ချဉ်နံ့လည်းသင်းတဲ့ ဝက်သားနှင့်
မျှစ်ချဉ်ဟင်းလျာရရှိပါပြီ။
No comments:
Post a Comment