မလိုင်ပေါက်ဆီ လုပ်နည်းမျှဝေပေးလိုက်ပါတယ်။ အီအီဆိမ့်ဆိမ့် ချိုချိုနဲ့လူကြိုက်များတဲ့ မလိုင်ပေါက်ဆီကို လုပ်စားကြည့်ကြစို့။
ပါ၀င်သောပစ္စည်းများ (တပွဲစာအတွက်)
- ပေါက်ဆီအလွတ် (မန်ထို) - ၂ လုံး
- နွားနို့ပူပူ - ၁ ခွက် (240 ml)
- နို့စိမ်း - ထမင်းစားဇွန်း ၂ ဇွန်း (သို့) ၃ ဇွန်း
- ထောပတ်အရည် - လက်ဖက်ရည်ဇွန်း တ ၀က်
- မလိုင် - ထမင်းစားဇွန်း ၁ ဇွန်း
- နို့ဆီ - လက်ဖက်ရည်ဇွန်း ၁ ဇွန်း
- သကြား - လက်ဖက်ရည်ဇွန်း ၁ ဇွန်း
- သီဟိုဉ်စေ့ - အနည်းငယ်
- အုံးသီးခြစ်ဖတ် - အနည်းငယ်
- စပျစ်သီးခြောက် - အနည်းငယ်
- ဖရုံယို - အနည်းငယ်
(လက်ဖက်ရည်ဇွန်း = 1 teaspoon = 5 ml)
ပြုလုပ်နည်း
- နွားနို့ကို ပူကျက်နေအောင်လုပ်ထားပါ။
- ပန်းကန်ထဲမှာ ပေါက်ဆီအလွတ်ကို ထည့်ပြီး တခုစီကို ၂ ပိုင်းဖြစ်အောင် ကပ်ကြေးဖြင့် ညှပ်ထားပါ။
- ပေါက်ဆီ ပေါ်ကို နွားနို့ပူပူဆမ်း၊ မလိုင် နှင့် နို့စိမ်းထည့်၊ နို့ဆီကို
အနှံ့ဆမ်း၊ သကြား၊ သီဟိုဉ်စေ့၊ အုံးသီးခြစ်ဖတ်၊ စပျစ်သီးခြောက်၊ ဖရုံယို
တို့ကို အနှံ့ဖြူး၊ နောက်ဆုံးမှ ထောပတ်အ၇ည်လေးကို အနှံ့ဆမ်း၍သုံးဆောင်နိုင်ပါပြီ။
No comments:
Post a Comment