အုန်းနို့ပူတင်း (ဟာဝိုင်ရီ အချိုပွဲ)

 အုန်းနို့ပူတင်း (ဟာဝိုင်ရီ အချိုပွဲ) (၄ ယောက်စာ)

ဟာဝိုင်ရီ အချိုပွဲလေးက နာမည်ကြီးဆိုင်တွေ ရောင်းကောင်းတဲ့အချိုပွဲလေးပါ။ ပူတင်းလိုမျိုး ဆင်ပေမယ့် သူက အဖြူရောင်ချည်းပါပဲအုံးနို့နှင့်နွားနို့ပေါင်းလုပ်ထားတာမို့အုံးနို့အရမ်းလဲမများပဲစားကောင်းတဲ့ အချိုပွဲလေးပါ။ ဧည့်သည်လာလို့အချိုပွဲ အစမ်းလေးကြွေးချင်ရင်ပဲဖြစ်ဖြစ် ကိုယ်တိုင်အိမ်မှာ စားချင်ရင်ပဲ ဖြစ်ဖြစ် စားလို့ကောင်းပါတယ်။ လုပ်ရတာလဲ လွယ်ကူပါတယ်။

ပါ၀င်သောပစ္စည်းများ

• ၄၀၀ ml ပါ အုံးနို့ဗူး - ၂ ဗူး
• နွားနို့ - ၁ ခွက်ခွဲ
• သကြား - ခွက်လေးပုံ ၃ ပုံ (သို့) ထမင်းစားဇွန်း ၁၂ ဇွန်း
• ဆား - အနည်းငယ်
• ပြောင်းဖူးမှုန့်(corn starch) - ခွက် တ ၀က် (ပြောင်းဖူးမှုန့်မရှိလျှင်ကော်မှုန့်နဲ့လုပ်လို့လဲ၇ပါတယ်။ပြောင်းဖူးမှုန့်နဲ့ကတော့ ပိုနူးညံ့ပါတယ်။)

ပြုလုပ်နည်း

1. ကျိုမည့် အိုးထဲမှာ ပါ၀င်သောပစ္စည်းတွေ အကုန်ထည့်ပြီး ပြောင်းဖူးမှုန့်များအရည်ပျော်သည်အထိ ဖျော်ပါ။
2. မီးဖို ကိုmedium heat မှာထားပြီး အိုးကိုတည်ပါ။
3. မီးဖိုပေါ်တည်ထားတုံးမှာ မွှေပေးပါ။ ၁၀ မိနစ် လောက်မွှေပြီးလျှင် ပစ်ပြီး ပွက်လာပါလိမ့်မည်။ ကော် လိုမျိုး ပစ်လာလျှင် မီးဖိုပေါ်မှ ချပြီး ခဲမည့် ပူတင်းခွက် ထဲထည့်ပြီး အအေးခံပါ။ (မြန်မြန်ခဲချင်ရင် ရေခဲသေတ္တာထဲထည့်ခဲပါ။ )
4. ခဲလျှင် အတုံးလေးတွေ တုံးပြီး သုံးဆောင်နိုင်ပါပြီ။
   (၁ ခွက် = 240ml = ရိုးရိုးကော်ဖီခွက် ၁ ခွက် = ထမင်းစားဇွန်း ၁၆ ဇွန်း)
   ( ထမင်းစားဇွန်း = 1 tablespoon = 15 ml)
   (လက်ဖက်ရည်ဇွန်း = 1 teaspoon = 5 ml)