ဆူကီယာကီ (Japan Hot Pot)
ဂျပန်စတိုင် Sukiyaki ဟော့ပေါ့ပါ။ အမဲသား စတူးချက်ပြီ၊ ဟင်းရွက်၊ ပဲပြား၊ ဂျပန်ခေါက်ဆွဲ စုံစုံလင်လင်ဖြင့် မိသားစု (သို့) သူငယ်ချင်းတို့နဲ့ အတူတူ ဟော့ပေါ့ လုပ်စားနိုင်အောင်ပါ။ ဟော့ပေါ့အရည်က အရသာ ချိုစိမ့်တဲ့ အရသာရရှိမှာပါ..
ပါဝင်ပစ္စည်းများ
- အမဲသား – ၂၅ကျပ်သား (အရှည်ပါးပါးလှီးပါ)
- Sukiyaki ခေါက်ဆွဲ – ၂၅၀ ဂရမ်
- မှိုခြောက်ပွင့် – ၁၀ခု (ရေနွေးဖြင့်ပြုတ်ပြီ အညှာဖယ်ပေးပါ)
- enoki မှို (သို့) Shimeji မှို – ၂ထုပ်
- ဂျပန်တို့ဟူး – ၃၀၀ ဂရမ် (အတုံးသေးများ တုံးထားပါ)
- တရုတ် နံနံ – ၁ခွက်စာ (၁လက်မအရွယ် ပိုင်းဖြတ်ပါ)
- ကြက်သွန်မြိတ် – ၂စည်း (အစောင်းပါးပါးလှီးပါ)
- ကြက်ဥ – ၃လုံး (ခလောက်ထားပါ)
ဆော့ရည်တွင်ပါဝင်ပစ္စည်းများ
- ဆာကေး(ဆန်ဝိုင်) – ၁ခွက်
- mirin(ဆန်ဝိုင်ချို) – ၁ခွက်
- ပဲငံပြာရည်(အကြည်) – ၁ခွက်
- သကြား – စားပွဲတင်ဇွန်း ၄ဇွန်း
- ရေ – ၂၀၀ မီလီလီတာ
ပြင်ဆင်နည်း
- ဆော့ရည် ပါဝင်ပစ္စည်းများဖြစ်သော (ဆာကေး၊ mirin၊ ပဲငံပြာရည်၊ သကြား၊ ရေ) တို့ကို ဒယ်ထဲ ထည့်ပြီ သကြားအရည်ပျော်သည်အထိ ၁မိနစ်ခန့် တည်ပြီ ပြန်ဖယ်ထားပါ။
- ထို့နောက် ဒယ်ထဲ ဆီ(စားပွဲတင်ဇွန်း ၁ဇွန်း) ထည့်ပြီ တို့ဟူးများကို အညှိရောင် သန်းသည်အထိ ကြော်ပေးပါ။
- ဒယ်အိုးတစ်ခုထဲ ရေများများထည့်ပြီ ဆူလာလျှင် ဆား(လက်ဖက်ရည်ဇွန်း တဝက်)၊ ခေါက်ဆွဲ ၁မိနစ်ခန့် ထည့်ပြုပေးပြီ ဇကာဖြင့် ပြန်ဆယ်ပေးပါ။
ဟော့ပေါ့ ပြုလုပ်နည်း
- Electric potအိုးထဲသို့ ဆီ(စားပွဲတင်ဇွန်း ၁ဇွန်း) ထည့်ပေးပြီ ဆီပူလာလျှင် အမဲသား ၁မိနစ်ခန့် ထည့်ကြော်ပေးပါ။
- ဆော့ရည် တဝက် လောင်းထည့်ပေးပြီ ဆူသည်အထိ တည်ထားပါ။
- ဆူလာလျှင် ကြက်ဥမှ လွှဲ၍ (တို့ဟူး၊ ခေါက်ဆွဲ၊ မှို၊ ကြက်သွန်မြိတ်၊ တရုတ်နံနံ) တို့ကို ထည့်ပေးပါ။
- အဖုံးအုပ်ပြီ မီးအသင့်တင့်ဖြင့် တည်ထားပါ။ ဟင်းရွက်များ၊ တို့ဟူးများ ထပ်ထည့်လျှင် ဆော့ရည် ထည့်ပေးပါ။
ဟင်းရွက်များ နွမ်းသွားလျှင် ကြက်ဥခွက်ထဲ အသား၊ ဟင်းရွက်များကို နှစ်ပြီ Sukiyaki ဂျပန် ဟော့ပေါ့ကို စိတ်ကြိုက် သုံးဆောင်လို့ရပါပြီ…
No comments:
Post a Comment