၀က်နံရိုးအချိုဟင်း
ဝက်နံရိုး အချိုဟင်းလေးရယ်၊ ပြောင်းဖူးကြော်လေး တွဲဖက်ပေးထားပါတယ်။ အချိန်တိုတွင်းမှာပဲ ထမင်းဘူး လေးကို ပြင်နိုင်တာမို့ လုပ်နည်းလေး ကြည့်ရအောင်…
ပါဝင်သောပစ္စည်းများ
- ဝက်နံရိုး – ၃၀၀ ဂရမ် (အတုံး ၂”လောက်အရွယ်တုံးပေးပါ)
- ပဲငံပြာရည် အကြည် – စားပွဲတင်ဇွန်း ၂ဇွန်း
- ပဲငံပြာရည် အနောက် – စားပွဲတင်ဇွန်း ၁ဇွန်း
- ကြက်သွန်ဖြူ – ၆မွှာ (နှုတ်နှုတ်ဆင်းပါ)
- ဂျင်း – စားပွဲတင်ဇွန်း တဝက် (နှုတ်နှုတ်ဆင်းပါ)
- သကြား – စားပွဲတင်ဇွန်း တဝက်
ချက်ပြုတ်နည်း
- ဝက်နံရိုးကို (ပဲငံပြာရည် အကြည်၊ ပဲငံပြာရည် အနောက်၊ သကြား) ထည့်နုယ်ပြီးလျှင် ရေခဲသေတ္တာထဲထည့် မိနစ် ၃၀ခန့် နုပ်ထားပေးပါ။ မချက်ခင် ၅မိနစ်ခန့် ရေခဲသေတ္တာထဲမှ ပြန်ထုတ်ထားပေးပါ။
- ဒယ်ထဲ ဆီ(စားပွဲတင်ဇွန်း ၄ဇွန်း)ထည့် ကြက်သွန်ဖြူ၊ ဂျင်း ထည့် ၁မိနစ်ခန့်ဆီထိုးပေးပါ။
- နုပ်ထားသော ဝက်နံရိုးများကို ဒယ်ထဲထည့် အညှိရောင်သန်းလာသည် အထိမွှေပေးပါ။
- ပြီးလျှင် ဝက်နံရိုးမြုပ်သည်အထိ ရေထည့် မီးနည်းနည်းဖြင့် မိနစ်၂၀ခန့် တည်ထားပေးပါ။
- ရေခန်းပြီး ဆီပြန်လာလျှင် နောက်တစ်ရေထည့်ပြီး အဖုံးအုပ်ထားပါ။ ဝက်နံရိုးနူးသည်အထိ တည်ထားပေးပါ။
- ဆီပြန်လာလျှင် ကြက်သွန်ဖြူ (၃မွှာ) ကို အခွံနွာ အနည်းငယ်ထောင်း၍ အနံမွေးနေအောင် ထည့်ပေးပြီး နောက် တစ်ရေထပ်ထည့်ပြီး မီးပြင်ပြင်းဖြင့် မွှေပေးပါ။
- ဆီပြန်လာပြီး ဆိုလျှင် အနံအရသာ အလွန်ကောင်းသော ဝက်နံရိုး အချိုဟင်းရပြီ ဆိုလျှင် ပြောင်းဖူး ဆက်ကြော်ပါမည်။
ပြောင်းဖူးကြော်နည်း
- အရင်ဆုံး ပြောင်းဖူး ၁ဖူးကို အိအောင် ပြုတ်ပေးပါ။ ပြီလျှင် ပြောင်းဖူးစေ့များ ချွေလိုက်ပါ။
- ဒယ်အိုးထဲ ဆီ(စားပွဲတင်ဇွန်း ၂ဇွန်း)ထည့်ကာ ကြက်သွန်ဖြူ ဆီသပ်ပေးပြီ ပြောင်းဖူးများ ထည့်လိုက်ပါ။
- အရသာအတွက် ခရုဆီ(စားပွဲတင်ဇွန်း တဝက်)၊ ဆား(လက်ဖက်ရည်ဇွန်း တဝက်)၊ ငရုတ်ကောင်းမှုန့်၊ရေ အနည်းငယ် ထည့်ကာ ဆီပြန်လာလျှင် ကြက်သွန်မြိတ်လေးများဖြူးလိုက်ပါ။
ဝက်နံရိုးအချိုဟင်းနှင့် ပြောင်းဖူးကြော်လေးနှင့် ထမင်းဘူးလေးကို ပြင်နိုင်ပါပြီ…
Piggy ထမင်းလုပ်နည်း
အရင်ဆုံး ထမင်းဖြူကို လက်ဖြင့် ၂လက်မရွယ်အလုံး လုံးလိုက်ပါ။ဝက်နားရွက်နှင့် နှာခေါင်းကို ဝက်သား ပြား(ကြော်ပြီသား) ဖြင့် ပြုလုပ်ပါ။ မျက်လုံးအတွက်ရေညှိရွက်ကို အသုံးပြုပါ…
No comments:
Post a Comment