ဘေဂျင်း (Beijing) ထမင်းကြော်
Beijing ထမင်းကြော်လေးပါ။ မနက်စာ စားရန် ထမင်းကြော် အသစ်အဆန်းလေးပါ။ လုပ်ရတာလည်း လွယ်ပြီး စားလို့လည်း အရသာကောင်းပါတယ်။ နှမ်းဆီနံ့လေးမွှေးပြီး အရသာက သာမန် ထမင်းကြော်တွေနဲ့ မတူပဲ ထူးခြားမူလေးတွေ ရှိပါတယ်။
ပါဝင်သောပစ္စည်းများ
- ချက်ပြီးသား ထမင်း – ၄၀၀ဂရမ်
- ကြက်ဥ – ၃လုံး ( ဆား(လက်ဖက်ရည်ဇွန်း တဝက်) ထည့်ပြီ ခလောက်ပေးပါ)
- မြေပဲဆီ ( groundnut oil) – စားပွဲတင်ဇွန်း ၂ဇွန်း
- ကြက်ရင်ပုံသား – ၂၀ ကျပ်သား (အတုံးသေးများ လှီးပါ)
- ခရမ်းချဉ်သီး (tomato) – ၂လုံး (အစေ့ထုတ်ပြီ ၈စိပ်စိပ်ပါ)
- မုန်လာဥနီ (carrot) – ၁ဥ (အတုံးသေးလေးများ တုံးလိုက်ပါ)
- ဗိုလ်စားပဲ (French Bean) – ရခု (အတုံးသေးလေးများ တုံးလိုက်ပါ)
- ပဲငံပြာရည် အကြည် (Light soy sauce) – စားပွဲတင်ဇွန်း ၃ဇွန်း
- နှမ်းဆီ (sesame oil) – စားပွဲတင်ဇွန်း ၁ဇွန်း
- ငရုတ်ကောင်းမှုန့် – လက်ဖက်ရည်ဇွန်း တဝက်
- ကြက်သွန်မြိတ် – ၁စည်း ( ပါးပါးလှီးပါ)
ပြင်ဆင်နည်း
- အရင်ဆုံး ကြက်သားတုံးလေးများကို ဆား(လက်ဖက်ရည်ဇွန်း တဝက်)၊ ငရုတ်ကောင်းမှုန့် အနည်းငယ်ဖြင့် ရောနုယ်လိုက်ပါ။
- ဒယ်အိုးထဲ ဆီ(စားပွဲတင်ဇွန်း ၁ဇွန်း) ထည့်၍ ကြက်သားတုံးလေးများကို ကျက်သည်အထိ မွှေပေးပါ။ ပြီးလျှင် ပန်းကန်တစ်ခုထဲ ကြက်သားများကို ပြန်ဖယ်ထားပေးပါ။
- မုန်လာဥနီ နှင့် ဘိုစားပဲများကို ရေနွေး ၂မိနစ်ခန့် ဖျော်ထားပေးပြီ ရေအေးပြန်စိမ်ထားပါ။ နောက်မှ ဇကာဖြင့် ရေပြန်စစ်ထားပါ။
ချက်ပြုတ်နည်း
- ထမင်းကြော် စကြော်ပါတော့မည်။ ဒယ်ထဲသို့ ဆီ(စားပွဲတင်ဇွန်း ၂ဇွန်း) ထည့်ပြီ ဆီပူလာလျှင် ခလောက်ထားသော ကြက်ဥများကို ထည့်ပြီ ကြေမွအောင် မိနစ်အနည်းငယ် မွှေလိုက်ပါ။
- ထမင်းများကို ထည့်ပြီ အသာလေး မွှေပေးပါ။ (ထမင်းများ မကြေမွသွားပါစေနှင့်)
- မုန်လာဥနီ၊ ဘိုစားပဲ၊ ခရမ်းချဉ်သီး၊ ကြော်ထားသော ကြက်သားများကို ထည့်ပြီး ၁မိနစ်ခန့် ရောမွှေလိုက်ပါ။
- ပဲငံပြာရည်(အကြည်)၊ နှမ်းဆီ၊ ငရုတ်ကောင်းမှုန့်၊ ကြက်သွန်မြိတ် အားလုံး ထည့်ပြီ ရောမွှေလိုက်ပါ။
ပူပူနွေးနွေးလေး Beijing ထမင်းကြော်ကို မနက်စာအဖြစ် စားသုံးနိုင်ပါပြီ….
No comments:
Post a Comment